Pullaringizni himoya qiling

Agar siz bilan telefon, elektron pochta yoki xabarlar orqali bog‘lanib, zudlik bilan pul o‘tkazishni so‘rashsa, shoshilmang. Avval ma’lumotni tekshirib ko‘ring. Firibgarlar tomonidan o‘ylab topilgan sabablar turlicha bo‘lishi mumkin: yaqin insoningiz qiyin ahvolga tushib qoldi, siz lotereyada yutdingiz va soliq to‘lashingiz kerak, kimdir sizning nomingizga kredit olgan va qarzni qaytarishingiz lozim. Firibgarlarning maqsadi sizni vahima ichiga solib, tezda qaror qabul qilishga majburlash. Ular hatto sizga ismingiz va sharifingiz bilan murojaat qilishlari mumkin. Bu ma’lumotlarni topish qiyin emas: biz ularni saytlar va ijtimoiy tarmoqlarda ro‘yxatdan o‘tayotganda o‘zimiz qoldiramiz.

Yaqinlaringiz bilan bog‘laning yoki o‘zingiz kerakli tashkilotga qo‘ng‘iroq qilib, ma’lumotlarni tekshiring.

Agar sizga qo‘ng‘iroq qilib, kartangiz ma’lumotlarini aytishni yoki siz amalga oshirmagan harakatlarni (pul o‘tkazish, qarz rasmiylashtirish, kartaga bog‘langan telefon raqamini o‘zgartirish va h.k.) tasdiqlashni so‘rashsa, darhol telefonni qo‘ying.

Bank/xavfsizlik xizmatining haqiqiy xodimlari na telefon orqali, na xatlarda bunday ma’lumotlarni so‘ramaydi. Xuddi shunday tartib «Koronapay» pul o‘tkazmasini yuborayotgan shoxobchalardagi xodimlarga ham tegishli.

SMSdagi havolalarga o‘tmang. Shubhali saytlarda karta ma’lumotlarini kiritmang. Soxta saytlar rasmiy saytlarga juda o‘xshash bo‘lishi mumkin, ammo firibgarlar tomonidan karta ma’lumotlarini o‘g‘irlash uchun foydalaniladi. Agar xarid qilmoqchi bo‘lsangiz, uning rasmiy internet-do‘kon ekanligiga ishonch hosil qiling. Agar pul o‘tkazmasini yuborayotgan bo‘lsangiz, «Koronapay» xizmatining https://koronapay.com/ veb-saytida ekanligingizga ishonch hosil qiling.

Pul o‘tkazmasini yuborganingizdan so‘ng olgan hujjatlaringizni: kvitansiyalar, cheklar va boshqalarni tashlab yubormang. Agar firibgarlik holati yuzasidan huquqni muhofaza qilish organlariga murojaat qilmoqchi bo‘lsangiz, ular sizga kerak bo‘ladi.