Rossiyadan O‘zbekistonga pul o‘tkazmalari

Korona — «Koronapay» pul o‘tkazmalari uchun mobil ilova. Korona to‘lov xizmati Rossiya va MDH davlatlarining moliya bozorlarida 25 yildan ortiq vaqtdan beri faoliyat yuritib kelmoqda. Pul o‘tkazmalari xizmatlari Korona mobil ilovasida va hamkor shoxobchalarida onlayn tarzda mavjud. Korona xizmati banklar, pochta bo‘limlari va yirik do‘konlar tarmoqlari bilan hamkorlik qiladi. Xaritada pul o‘tkazmasini olish va yuborish uchun qulay shoxobchani tanlashingiz mumkin.

Pul o‘tkazmasini yuborish uchun Korona (6+) mobil ilovasini yuklab oling.

1. «Pul o‘tkazmani yuborish» tugmasini bosing, oluvchi joylashgan mamlakat, o‘tkazma summasi va valyutasini tanlang. Biz o‘tkazma narxini hisoblab chiqamiz va vositachilik haqini, valyutani konvertatsiya qilish kursini ko‘rsatamiz hamda oluvchini o‘tkazma holati to‘g‘risida xabardor qilish xizmatini taklif qilamiz.
2. Oluvchi va yuboruvchi ma’lumotlarini to‘ldiring. Oluvchining telefon raqami, familiyasi, ismi va otasining ismini pasportdagi kabi kiriting.
3. Tekshiring va zarur bo‘lsa, ma’lumotlarni tuzating. Agar siz oluvchining ma’lumotlarini kiritishda xato qilgan bo‘lsangiz, unga o‘tkazmani bermaydilar.
4. Karta ma’lumotlari: raqami, amal qilish muddati, kartaning orqa tarafidagi uchta raqamli CVC2/CVV2 kodi maydonlarini to‘ldiring. Karta 3-D Secure texnologiyasi - SMS orqali operatsiyalarni tasdiqlashni qo‘llab-quvvatlashi kerak.
5. «To‘lash» tugmasini bosing va o‘tkazmani to‘lashni tasdiqlang.

Oluvchi saytda yoki Korona (6+) ilovasida o‘tkazma holatini kuzatib bora olishi va pullarni olishi uchun unga o‘tkazmaning xos raqamini albatta yuboring.

Pul o'tkazmasini onlayn usulida yuborganda odatda pul bir zumda yoki keyingi ish kunida keladi. Dam olish yoki bayram kunlarida yuborilganda, pul o‘tkazmasi 2 ish kunigacha kelishi mumkin. Pul o‘tkazmasini oluvchining to‘liq ismi va telefon raqamiga naqd pul olish uchun yuborishda, qoida tariqasida, pul o‘tkazmasini yuborilganidan keyin bir necha daqiqadan so‘ng qabul qilish mumkin bo‘ladi. To‘g‘ridan-to‘g‘ri kartaga yuborilganda, hisobga tushish muddati 30 daqiqadan 3 ish kunigacha. Hisobga tushish shartlari emitent bankka qarab uzaytirilishi mumkin.

O‘tkazmani yuborish vaqtidagi aniq konvertatsiya kursini Korona (6+) ilovasida bilish mumkin. Buning uchun oluvchi mamlakati, o‘tkazma summasi va valyutasini tanlang - va siz konvertatsiya kursi va rubldagi to‘lash summasini ko‘rasiz.

Korona xizmati hamkorlarining shoxobchalarida naqd pulda pul o‘tkazmasini olishingiz mumkin. O‘tkazmani olish uchun sizdan uning raqami talab qilinadi.

O‘tkazma raqami bo‘yicha o‘tkazmaning berishga tayyor ekanligi yoki yo‘qligini tekshirish mumkin. Buni Korona (6+) ilovasida qilish mumkin.

1. Berish shoxobchasini tanlang. Saytda yoki ilovada kartadan foydalaning.
2. Shoxoncha xodimiga sizga «Zolotaya Korona» o‘tkazmasi kelganligini ayting. Shaxsni tasdiqlovchi hujjat - pasportni taqdim eting¹.
3. O‘tkazma raqamini ayting va pulni oling.

¹Pul o‘tkazmasini olish ushbu o‘tkazmani qabul qilgan mamlakat qonunchiligi talablariga muvofiq amalga oshiriladi, kerakli hujjatlar ro‘yxatini aniqlashtirish uchun pul o‘tkazmasini olishni rejalashtirgan bank filialiga murojaat qilishingizni tavsiya qilamiz.

O‘tkazmani Korona (6+) mobil ilovasida yoki saytda kartaga olishingiz mumkin.

1. Ilovada O‘tkazmalar tarixi bo‘limini oching. Agar pul o‘tkazmasini onlayn olish mumkin bo‘lsa, siz «Kartaga pul o‘tkazmasini olish» tugmasini ko‘rasiz. Aks holda, biz sizga naqd pul olish shoxobchalarining manzillarini ko‘rsatamiz.
2. Veb-saytda «O‘tkazmani hisobga o‘tkazish» tugmasini bosing va uni telefon raqamingiz orqali toping. Agar siz RF fuqarosi bo‘lsangiz: o‘zingizning FISh va pullarni o‘tkazmoqchi bo‘lgan karta raqamini kiriting. Agar siz chet el fuqarosi bo‘lsangiz: o‘zingizning FISh, pasport ma’lumotlaringiz va tug‘ilgan joyingiz va ro‘yxatga olish manzilini kiriting. Hamda Shaxsiy kabinet talablariga ko‘ra, boshqa ma’lumotlarni.
3. Tayyor! Tasdiqlanganidan keyin pullar ko‘rsatilgan kartaga tushadi. Odatda, pul bir necha daqiqada keladi. E’tibor bering: karta hisobiga o‘tkazish muddati bankingizga bog‘liq bo‘ladi.

Agar o‘tkazmani kartaga o‘tkazib bo‘lmasa, uni naqd pulda olishingiz mumkin. Batafsil ma‘lumotni Kartaga pul o‘tkazmalarini olishning maxsus shartlarida topishingiz mumkin.

Siz Rossiya Federatsiyasi banklari tomonidan chiqarilgan Visa, Mastercard, Maestro kartalaridan pul o‘tkazmasini yuborishingiz mumkin. Karta 3-D Secure xavfsiz to‘lov texnologiyasini qo‘llab-quvvatlashi kerak — SMS orqali operatsiyalarni tasdiqlash.

O‘zbekistonda «Koronapay» pul o‘tkazmalarini to‘lov xizmatining mahalliy hamkor banklari amalga oshiradi. Ularning har qandayiga murojaat qilishingiz mumkin. Siz uchun qulay variantni tanlang: manzili va ish vaqti koʻrsatilgan banklar roʻyxati kompaniya veb-saytida ham, Korona (6+) mobil ilovasida ham mavjud.

Agar siz «Koronapay» pul o‘tkazmasini kutayotgan bo‘lsangiz, telefoningizga mobil ilovani o‘rnating. Unda faqat raqam emas, balki kelib tushgan tranzaksiya haqidagi barcha ma’lumotlar aks etadi.

Bundan tashqari, yuboruvchi pul o‘tkazmasini amalga oshirayotganda xizmatning bildirishnoma funksiyasidan foydalanishi yoki raqamni o‘zi berishi mumkin.

Umuman olganda, yuborilgan yoki olingan pul o‘tkazmalari to‘g‘risidagi ma’lumotlarni Korona (6+) mobil ilovasining «Tarix» bo‘limida avtorizatsiyadan so‘ng olish mumkin.

O‘tkazish ma‘lumotlariga faqat uni yuborgan shaxs o‘zgartirish kiritishi mumkin. Yuboruvchiga pul o‘tkazish paytida xatoga yo‘l qo‘yganligini ayting va u vaziyatni to‘g‘irlashini kuting.